In de communicatie nao anger minse speule gebare ein erg belangrieke rol. Gebare zeen sòms zelfs dudelikker dan weurd en spraeke in völ gevalle ein internationaal taal.
Emes ein handj gaeve beveurbieëldj kan beteikene:
Hallo! Aangenaam! Houdoe! Proficiat! Gekondoleerdj! Bedânktj!
De kinst gebare make mèt dien hieël liêf. Mèt dien naas, mèt diene moôndj, mèt dien ouge. Mer as wae os allein ins beperke tot hândj /erm / vinger dan zeen d’r ouch al erg völ meugelikhede.
Ein aantal veurbieëldje:
| Klappe | Good gedaon / Applaus / Effe aandacht / Allemaol bie-ein kome |
| Handj òmhoeëg | Stop, Ho! / Ich wil get zègge |
| Wiêsvinger òmhoeëg | Ich weit ‘t / Ich bin ane beurt |
| Doem òmhoeëg | Good gedaôn |
| Twieë doême òmhoeëg | Herstikke good! |
| Doem òmlieëg | Neet good! |
| Wiêze | Dae kantj op / Dich hebst det gedaon! |
| Winke | Kom ins effe! |
| Wiêsvinger en hândj op en nieër | Neet good, / maag neet! |
| Voêst make | Kom mer op!/ Ich krieg dich nog waal menke! |
| Allebei de erm òmhoeëg | Ich gaef mich euver |
| Wiês- en middelvinger opstaeke | Peace! / Det zweer ich! |
| Zwei-je mèt gesprèdje vingers | Daaaag! / Houdoe! |
| Handj achter ein oeër | Wat zese???? |
| Wiêsvingers euverein striêke | Sliêp oet! |
| Doem euver wiêsvinger vriêve | Wat kostj det? / Des waal deur! |
| Mèt doem en middelvinger knipgeluid make | Effe aandacht |
| Vingers gestrengeldj | Baeje, / asjeblééf!! |
| Vingers gestrengeldj en mèt de doême drei-je | Ich vervael mich / Doortj det nog lang? |
| Wiêsvinger veur de moôndj | Sssttt! Neet wiejer vertèlle |
| Twieë wiêsvingers in twieë oeëre | Des neet òm aan te huuëre! |
| Inne henj vriêve | Lekker! / Tis kaod hiê! / Det heb ich hum good gelaptj! |
| Henj veur de oeëre | Wat ein herrie! |
| Voêst ònger kin, kop òmlieëg | Ich bin kwaod! |
| Mèt doem en wiêsvinger ein rundje make | Prima, excellent! |
| Ieërst voêst make; dan de doem tösse wies- en middelvinger staeke | Ich heb dien naas gepakt |
| Handj veur de moôndj | Sorry, effe röpsele Wat ein saai bedoning! |
| Vingers gestrengeldj, henj nao binne drei-je, erm vroet staeke | Effe oetrèkke! / Gaâp gaâp! |
| Handj veur de moôndj en groeëte ouge opzètte | Hieëremins wat erg! / Des toch neet waor! |
| Mèt doem en wiêsvinger de naas toeniêpe | Wat stinktj ´t hiê!! |
| Ein voêst make en mèt de doem opzie wiêze | Trök dich! / Lifte! |
| Mèt wiêsvinger de slaop aantikke | De bèst neet good wiês! / Dink ins nao! |
| Wiês- en middelvinger in ein naas- gaat staeke | Des gein kûnst! |
| Voêst make en allein middelvinger opstaeke | ………… |
LeiS