Het begost min of mieër ònsjöldjig, ein jaor of tieën geleje. Mer ’t woort almer erger. En noê zeen wae op ’t peuntj det ich eine sterk òntwikkeldje hekel heb gekrege aan ’t passe van noe klei-jer. Det begintj al bie ’t pashok. ’t Zeen stink-dinger, de gerdien geit noeëts hieëlemaol toe en dao zeen altiêd te weinig häök òm dien klei-jer aan op te hange.
AOD PEPEÊR
Zaoterdigmörge. Effe wat langer geslaope. De zòn priktj door de gerdiêne. “Vandaag istj aod pepeêr”, zeet mien vrouw tege mich. Raar zinsconstructie asse d’r good nao kiêkst. Ze wiltj eigelik zègge: “Vandaag weurtj ’t aod pepeêr opgehaaldj”, mer det is sjienbaar té òmslachtig.
Ich draag drie vol en zwaor doeëze nao de randj vanne stoep want wae hebbe weer hieël get bie-ein gespaardj deze maondj. Edere daâg ein gezèt, zès per waek, det zeen d’r al òngevieër 25 per maondj. Dan alle gratis waekblajer, reclamefolders, tillevisiegidse, enveloppe, leeg keukerolle, platgedoedje doeëze en duuëskes, vereinigingsnoets en kalenderblaedjes. En ouch nog ein paar tiêdsjrifte woeë wae op geabonneerdj zeen.
HERKINBAAR??
Òngestaondje situaties zulle bie völ minse bekindj zeên want ze
doon zich in ’t laeve van alledaâg veur. ’t Zeen allemaol gein drama’s
mer kònne waal hieël get irritaties oprope.
Ein aantal van òngerstaondje gevalle zeen bekindj ònger de “Wet van Murphy”.
In het verleden hebben veel personen uit Stramproy, toen Stramproy nog een zelfstandige gemeente was, zich ingezet voor de gemeenschap.
Enkele personen hebben elders bijzondere daden verricht, die zo uitzonderlijk waren, dat daarvoor een zeer hoge onderscheiding werd toegekend.
Voor hun daden zijn deze mensen geëerd met een orde of tot ereburger benoemd.
BRANDJWEER
Het nut van de brandjweer is al dèk beweze. Dees manne in zwarte pek en mèt degelikke helme op hebbe in völ precair situaties hulp geboje. Het feit det ze zich verplaatse in eine vètte veurroeëje wage maaktj heur versjiêning zeker nog imposanter.
In Stramproy was een luchtwachtpost, die op de melkfabriek was aangebracht. Deze luchtwachtpost was een onderdeel van groep 8 (luchtwachtcentrum Eindhoven). De luchtwachtpost maakte met Heythuysen en Linne deel uit van de kring L.
NUMMERS
Nog neet zoeë lang geleje kreegse bie “De Limburger” geregeldj ein beukske geleverdj mèt de titel: “Nummer 1” Toen al vònj ich det geine echt orizjinele naam. Want ich bin ins naogegange wievöl versjillendje beteikenisse det weurdje nummer kan hebbe
Ein nummer kan ein getâl zeen. 7 of 312. Zelfs as achter det getâl ein lètter geplektj weurtj dan blieftj ’t nog steeds ein nummer. Ich kan beveurbieëldj woeëne op de Margrietstraot 14a. Det is dan ein hoêsnummer.
En 06-12345678 is dudelik ein tillefoonnummer. ’t Gael bördje mèt zwarte lètters op diene auto neume ze ein nummerplaât.
Dao kan ouch ein leedje mèt bedoeldj waere. ‘My way’ det door hieël völ artieste is gezònge, vinj ich ein sjoeën nummer. De Beatles hebbe völ sjoeën nummers gesjreve. Trouwes, ouch ein leedje sònger weurd, ein instrumentaal oetveuring, kònse ein nummer neume.
onder andere van het gezin Verkennis
SERVIÊS
Wit mèt greun bleumkes en van alles 12 stöks. Tasse en sjeutelkes, groeëte en klein têlders, platte en depe, groeëte sjaole en klein sjäölkes, sauskòm, soptrien, puddingbekskes, sòkkerpot, melkkenke. Det waas de inventaris van de porseleinkast toen òngergeteikendje in ’t huweliksbuuëtje stapdje.
Minimaal twieë kieër per jaor doon mien vrouw en ich oos speciaal oetgaonsklei-jer aan en verplaatse os mèt hoeëg verwachtinge richting ein restaurant det bekindj steit òm ein biezunjer specialiteit. Mossele!
