HERKINBAAR??

HERKINBAAR??

 

Òngestaondje situaties zulle bie völ minse bekindj zeên want  ze
doon zich in ’t laeve van alledaâg veur. ’t Zeen allemaol gein drama’s
mer kònne waal hieël get irritaties oprope.
Ein aantal van òngerstaondje gevalle zeen bekindj ònger de
“wet van Murpy”.

  • ‘Kepotte’ elektriese apparate doon ‘t perfekt as de monteur keumtj
  • Ein snee mik vèltj altiêd mèt de besmeerdje kântj oppe groôndj
  • Wie mieër jeuk desse hebst wie meulikker desse d’r aan kònst òm te dabbe
  • Precies dét bestândj oppe computer desse vandoon hebst…hebse neet opgeslage
  • Tândjpien begintj meistâl net as ’t week-end veur de deur steit
  • ’t Stopleecht springtj op greun asse tiêd zat hebst en springtj op roeëd asse vrieëte haost hebst
  • Ein oor veur eine belangrieke aafspraok snietse dich mèt sjaere in diên kin
  • Wasse vandaag kuipst is mörge inne aanbejing
  • Inne wachtkamer vanne tandarts hebse inins gein pien mieër.
  • Asse in ein file de anger baan keest dan zal de rie diese net verlaote hebst sneller gaon as woeëse ieërst in stòngst.
  • Oetgelieëndje beuk kome altiêd netjes trök, behalve dét wasse neet kònst misse
  • Net asse meinst eindelik get goods te hebbe gedaôn keumtj sleit de pech toe
  • De langste vergaderinge gaon euver de simpelste dinger
  • Asse oppe statie aankeumst is diene trein nét vertrochtj
  • Oppe fiets hebse altiêd windj in!
  • De tillefoon geit asse aan’t geniete bèst van ein werm bad
  • Bèsse net op dien vakantie-adres aangekome, raakse ane diarree
  • De kòm diese net  in ’t aafwas-apparaat hebst gestoptj hebse ònmiddelik vandoon
  • Wasse kwiêt bèst vinsje oppe lèste plaats woeëse zeukst
  • ’t Ophang-häökse vanne aafruuëghandjdook  vinse pas naoddesse al aan drie heuk geveuldj hebst

LeiS