Mesjien hebtj gae nog örges ein klein 80.000 euro ligge woeë neet drek ein bestumming veur gevònje kan waere????
Dan is dit mesjien ein optie! De POLESTAR 2 BST 270 EDITION.
Nae. tis gein raket die in korte tiêd nao de maon op en nieër vluugtj. En tis ouch geine super-de super de suup-stofzuiger.
Nae tis eine auto! Gae wètj waal, zoeën dink op veer rajer, mèt ein steur, eine motor en mèt 4 steul d’r in dae uch komfortabel van A nao B kan bringe. Mer dit model heet tig kieër mieër potentie dan eine gemiddeldje auto. Gaotj d’r mer veur zitte! Deze heet ein “performance-pakket” en is 476 pk sterk! Tis eine elektriese nateurlik, want weem geit nog bie ein tank-beurt zitte knoeëje mèt dröppendje en stinkendje benzien-slange?
Bie aansjaf kriegtj gae braaf deur verstèlbare Öhlins dempers en dao bove op ein serieus setje Brembo remme. Lèt veurâl op dit merk: BREMBO!!!! Det gaon wae de komendje tiêd dèkker tegekome! Dees oetveuring is mer leefst 25 mm (!) lieëger hetgeen de weegligging ten goede keumtj. En neet zoeën bitje!! Dan treftj gae aan twieëvoudig verstèlbaar dempers die separaat ingestèldj kònne waere in 22 stenj (!) Dan is dao nog ein “vaerpoeëtbrök” aan toegevoegdj woeëdoor de basis nog stabieler weurtj!
De 270 EDITION steurtj altied gewillig sònger zenuwechtig te waere En det keumtj veural door ein lieëg zwaortepeuntj. De echt sportieve auto-riejer zal zeker aangetrochtj waere door de steurkwaliteite en de exclusiviteit!! Woeë de aandriêving toe in staot is maag zeker ouch vermeldj waere want die besjiktj euver eine 2x synchroonmotor mèt eine permanente magneet! Let veurâl op det weurdje PERMANENT!! Det beteikentj det tink noeëts vervange hooftj te waere!Qua uterlik mòtte wae ouch nog effe aantippe de dikke zwarte race-streep euver ’t midde van de motorkap die de wage zoeë meugelik nog mieër allure zal gaeve.
Dus asj gae trök zeetj van eur 2 maondj dorendje cruise nao de Maladiven dan bie trökkomst drek nao de dealer! Want zèktj noê zelf! € 79.900 is toch gein gêldj!.
LeiS
(gegaeves zeen òntlieëndj aan de Autotest van Autovisie van 6 sept. 2023)