De priêze inne supermêrtj lokke dich edere daâg..Mèt bv “ein plus ein extra!” Of: “De twieëdje veur de helft!”. Klinktj völbelovendj mer tis eigelik allemaol misleiding.
Wat veural opvèltj is det de meiste priêze eindige mèt…..,99 Bv. Bloomkoeël € 2,99 Roeëje wiên €4,99. Asse die bedrage mèt echt geldj cash wilst betale dan wete ze dao ane kassa geine raod mèt, want éine cent trökgaeve is neet meugelik! Dus kostj ein fles wiên gewoeën €5,00! Mer det steit neet op ’t kaertje. Des dus pure misleiding. De einige meneer òm dao as klantj nog ein bitje veurdeil oet te hale is door mieër as éin van de aangepreze produkte in te slaon.
Koup dus 5 flesse wiên. Dan betaalse 5x€4,99. Des €24,95. En dan hebse dus 5 cent verdeendj! Hoera! Dus mien advies aan alle priêsbepaolers: Doot neet zoeë ònnuuëzel En zèt op ’t kaertje ”Fles wiên €5,00” Klaor en dudelik! Detzelfdje geldj veur podukte die völ deurder zeên. Eine noewe auto kostj noeëts €24.000 mer €23.995. Lokkertje!!
Zooj ’t écht zoeë zeen det minse vanwege 5 euro keze veur ein anger merk???? Ich begin te gluive van waal! En det ze daoveur mesjien 20 kilomaeter wiejer mòtte rieje weurj neet mètgeraekendj. Want örges deep inne kop zeet ein stumke detter toch mer fijn 5 euro verdeendj is. Dao mòt op gedroonke waere! .
Doot mer eine lekkere Westmalle! Tripel! Kostj mer € 2,98 Proost!
LeiS